CAFA va O‘FA hamkorligida CAFA "Navro‘z futbol festivali – 2026" doirasida yurtimizning 4 hududida — Qoraqalpog‘iston Respublikasi, Andijon, Jizzax hamda Toshkent viloyatlarida futbol festivallari tashkil etildi.

Mazkur tadbirlarning asosiy maqsadi bolalar sportini ommalashtirish, yosh avlodni futbolga keng jalb etish hamda sog‘lom turmush tarzini targ‘ib qilishdan iborat.

8–10 yoshli o‘g‘il-qizlar ishtirok etgan festival davomida qatnashchilar guruhlarga ajratilib, tajribali murabbiylar boshchiligida mashg‘ulotlar olib borishdi. Dastur doirasida bolalarga futbolning asosiy texnik elementlari o‘rgatilib, ularning jismoniy faolligini oshirish va jamoaviy o‘yin ko‘nikmalarini shakllantirishga alohida e’tibor qaratildi.

Shuningdek, festival bolalarga sport orqali do‘stlik, intizom va sog‘lom raqobat muhitini his etish imkonini yaratdi.